Manifestazion Aragon ye trilingue

Manifestazion Aragon ye trilingue

Iste sabado 16 de Mayo ye un diya muitismo importán ta la nuestra luenga, pos se ferá en Zaragoza una manifestazión  ta desichir a ofizialidá d’a luengas que se charran en Aragón: l’aragonés, lo castellán y lo aragonés oriental (u catalán d’Aragón).

Ye alazetal que toz nusatros bi baigamos ta achuntar as nuestras bozes por a ofiziliadá de l’aragónes, d’a nuestra luenga. A manifestazión prenzipia a las 12:00 en a Glorieta Sasera (puesto más conoxito como  “Os cañones”) y rematará en as Cortes d’Aragón (Palazio de l’Alfachería).

Asperamos beyer-tos a toz astí.

Un fortal abrazo.

Anuncios

A FELIZIDÁ

abril 23, 2009

Cuan un diya, por fundo y reyal intrés o nomás porque no bi ha cosa ta fer n’ixe inte, se esca informazión sobre Aristóteles, Platón, etc, se puede beyer que ixa chen, chunto a atras cosas tamién muito importans, quereban saper cómo aber berdadera y funda felizidá. Platón diziba que estar goyoso yera custión de saper lebar as riendas d’os tres caballos alados que ye o cuerpo (a parti buena, a parti regular y a parti mala d’o cuerpo, alto u baxo). Aristóteles diziba que o goyo yera o chusto meyo dentre dos estremos. Séneca creyeba que remanir impasible ante as deficultaz yera o millor. No aber cosa yera lo que fazió Diógenes y, seguntes el, feba onra a la causa.

Admiro a ixa chen y creigo que toz ers han una miaja de razón. Manimenos, anque saputos en yeran muitismo más que yo, ers no tenión a oportunidá de conoixer a berdá sobre ixa custión como yo la he teníu güe. Si agora mesmo me preguntasen qué ye a felizidá, no zitarba a ixos gran filosofos. Simplamen dizirba, a felizidá ye ir ta una misa en luenga aragonesa en a parroquia de La Seo en Zaragoza y que, sin estar publizitata, se plene de chen que quiere charrar con o Siñor en a luenga d’ista tierra. Felizidá ye ascuitar a una polidisma nina cantar l’imno d’Aragón con boz anchelical y sentir como s’erizan os pelos d’os brazos entrimistanto. Felizidá ye leyer en alto en a plaza España una leutura en una luenga maltratada de traza sistematica durante muitos sieglos y que, cuan remates, a chen t’aplauda. Ixo ye a felizidá.

UN DIYA GRAN T’ARAGÓN

diciembre 7, 2008

Siñal Ayere estió un diya gran. Dimpués de más de 50 añadas, dimpués de quemisió cuantos partitos jautos e sin de denguna sustanzia que emos bisto en a Romareda, por fin se fazió reyalidá o suenio de muitos afizionatos. O Zaragoza chugó contra o Uesca. Toz os que bi estiemos sentiemos o mesmo … goyo, argüello y, tamién, pena porque iste partíu no se chugase en Primera.

Ye muito difizil rezentar con parolas o que sinnifica ir ta lo cambo de furbol y, por o camín, beyer a chen de l’atro equipo, azercar-te a dar-lis a man y deseyar-lis buena suerte con tot o corazón. Correr enta a puerta (pillando lo “Don Gols” por o camín, profés) mientras ascuitaba cantas de “La Bullonera” y de Labordeta, con o imposible d’amillorar coro de 30 mil personas, estió una d’as millors esperienzias ta yo. Cuan por fin bi dentré, beyié algo increible… Un siñal d’Aragón granismo, alredol d’o cualo se metioron os chugadors d’os dos equipos. Catar ixa imachen yera un poema en si mesmo. O Reyal Zaragoza chunto a lo Uesca (qui lebaba una d’as chambretas más polidas d’o mundo) debán d’un siñal que nomás por bi aber estau, en un diya como ixe, ya mereze ondear en o millor puesto d’Aragón, por muitos cañons, abions de guerra y sarchentos “chusqueros” con mostacha que NO’n aiga bisto. Y, anque a qui li corresponda dezidir-lo, prefiera beyer iste siñal pisoteau, maltratau y, finalmen, xublidau, que sepa que ixa imachen siempre será en o mío corazón.

III Misa en aragonés

diciembre 1, 2008

O pasau 30 de Nobiembre se fazió en a ilesia de Escolapios a terzera misa en luenga aragonesa en la capital d’Aragón. Os afortunaus que podiemos estar-ie esfruitemos d’un auto asabelo políu. A berdat ye que os ninos y as cantas que se fazioron en a misa creyoron un ambién imposible d’amillorar… pero ixo no ye tot. L’auto relichioso remató con o goyoso anunzio de que ban a lebar ta Cherusalem una placa con o “Pai de nusatros” ta meter-la en a ilesia an que i ye la orazión alazetal d’o cristianismo en a mayor parti d’as luengas d’o mundo.

En beyer lo bien parato que estió tot y lo intrés que a chen mostró tanto durante a misa como dimpués en a tronca de nadal, os chuegos tradizionals aragoneses y a botiga que metió Ligallo de Fablans de l’Aragonés, nomás ye menister quitar-se o chapero y dar a noragüena ta os pais Escolapios y ta toz os que i partiziporon.

004

Días 6, 7 y 8 de diciembre de 2008.

El Tren de la Cultura, de la Feria del Libro Aragonés, que viaja de Zaragoza a Monzón para acercar visitantes de la capital aragonesa a la localidad oscense, partirá este año el domingo 7 de diciembre.

La unidad saldrá de la estación de Delicias a las 9.20 horas y retornará de Monzón a las 21.05 horas. Los billetes de ida y vuelta cuestan 5 euros, y se venden en la agencia Viajes Norte y Sur, en el Paseo Sagasta 32 de la capital aragonesa.