Prenzipia l’estiu

junio 24, 2007

Replegamos os librez, cremamos as malas remeranzas, mos curtamos as ropas, y prenzipiamos a rustir-nos baxo lo sol, l’estiu bi ha plegau, con el plegan tamién as cantas que nomás, zorros perditos, puen fer-mos una mica goyos. Ista añada a competenzia ye prou fura:

Por un costau en tenemos a “Tata Golosa” con una d’as cantas mas fatas que he sentíu

Atra ye o ya “famoso” “Mete-te-ne o cincho” o “Ponte el cinturón” en cualsiquiera d’as suyas bersiones, una d’ellas ye a bersion “Reageton”:

Ye platero que n’o mundo de güe o rete esliche qui ha d’estar e qui no, cosa que beyendo os resultaus cuasi me fa plorar.

VISIONS D’ UNA LLENGUA

junio 14, 2007

Esnabesando lo rete m’he trobau con una pachina que no conxeba dica agora. Ista ye una pachina presonal de Elena Chazal, poeta y nobelista en luenga Ribagorzana, con libros como “Lo que mai no s’olbida”. N’a suya pachina bi ha bels enrastres a bideos de un reportache feito la añada zaguera, clamau “VISIONS D’UNA LLENGUA”, tos dixo o epilogo que anque ye en castellan merixe ascuitar-lo.

A pachina ye www.elenachazal.com y os bideos podez trobar-los asti www.elenachazal.com/aragones.html

A misa de Goyo

junio 11, 2007

Meto aqui o bideo d’a misa que fazió o domingo o nuestro compañero Goyo, a ilesia yera plena a caramuello os fiels y os no tan fiels estioron en iste inte istorico fendo onra a lo treballo feito por o nuestro compañero y to lo Ligallo de Fablans. Muitas grazias a toz.

P.D. O bideo lo he trobau en o blog de purnas