De quí ye a TB?

julio 31, 2007

Dimpues de diyas sin charrar de cosa, tos meto un bideo chicorron ta dispertar-nos d’a modorra estibal. Que fazión con ixe pobre mozet que nomás quereba charrar aragonés en ixa tb que dizen “la nuestra”.:

Anuncios

Atra ripa de parolas saputas, que mos charran güe d’a innoranzia a politica y a libertat:

O primer trango d’a innoranzia ye presumir de saper.

Baltasar Gracián (1601-1658) Escritor Aragonés

 

Tot lo que se innora, s’esperne.

Antonio Machado (1875-1939) Poeta y prosista español.

 

A bocazión d’o politico d’etudios ye fer de cada soluzión un problema.

Woody Allen (1935-?) Actor, director y escritor estadounidense.

 

Pueblos llibres, remerar istas parolas:
Pode-mos alquirir a libertat, pero may se remonta una begada qu’en ye trafegata.

Jean Jacques Rousseau (1712-1778) Filósofo francés.

 

A libertat ye incompatible con os aimors. Un amán perén ye un esclau.

Germaine de Staël (1766-1817) Escritora e intelectual francesa.

 

Aquers que cederban a libertat alazetal t’alquirir una chicota de seguridat temporal, no en merixen ni libertat ni seguridat.

Benjamin Franklin (1706-1790) Estadista y científico estadounidense.

 

Nomás l’ombre culto ye llibre.

Epicteto de Frigia (50-135) Filósofo grecolatino.

Titol luengo ta dizir que güe fan 104 añadas d’o naiximento de Pablo Neruda en Chile. Comunista, politico, Nobel de literatura, engalzau por o gubierno y clandestin n’a suya tierra, comprometiu con o pueblo y con una traza presonal de beyer lo amor, cosa millor ta fer-le un chicot omenache que uno dos suyos poemas, Ausenzia.

Ausenzia

Cuasi no t’en he dixau
bas en yo, beirada
u tremolosa,
u permenada, ferida d’o mío esmo
u sobrexuta d’amor, como cuan os tuyos guellos
se’n trancan sobre o don d’a vida
que sin aturar t’en doi.

O Amor mío
mos hemos trobau
asetegaus y mos hemos
bebido tot l’augua y la sangre,
mos trobamos
con fambre
y mos mosquia-mos
como a flamera mosega,
dixando-nos feridas.

Pero aspera-me,
alza-me la tuya suabeza.
Yo te dare tamién
una rosa.

Parolas rarizas:

Beirada = Cristalina.
Permenada= Inquieta.
Sobrexuta= Colmada.
Asetegaus= Sedientos.
Mosquia-mos= Mordisqueamos.
Flamera= Fuego vivo.
Mosega= Muerde.
Suabeza= Dulzura.

Parolas saputas…

julio 9, 2007

Güe tos boi a dixar con bellas frases de Aragoneses ilustres:

¿No’n tienes d’enemigos? ¿Ye que may diziés a berdá o nunca no aimes a chustizia? . S Ramon y Caxal

As ideyas no duran guaire. Cal fer bella cosa con ellas. S Ramon y Caxal

Cadagún ye como Dios l’ha feito, pero plega a estar como el mesmo se fa . Miguel Serbet

A fantasía solata d’a razón, nomás fa que monstruos imposibles. Chunto a ella sin dembargo, ye ra mai d’o arte y fuen d’os suyos deseyos. Francho Goya

T’AN BA BIZÉN?

julio 4, 2007

Güe semos n’o tiampo d’a nuestra, muito barallata, quiesta libertá d’esprisión. Cadagún puede dizir en cualsiquier inte lo que creye, lo que piensa y lo que li cuaca. Isto, profés, ye una gran bitoria d’o nuestro país, que fa 40 añadas no’n teneba.
Manimenos, beigo en isto un chiquet problema, pues, como Chesucristo diziba, d’o que bi ha en l’interior d’o cuerpo charra a boca.
Exemplos ta isto bi’n ha una granisma ripa, pero a yo me cuacarba parar cuenta, sobre tot en a politica, o puesto an que más fatezas sin de sentíu se gosa ascuitar.
A ormino, a chen no ye ni de cuchas, ni de dreitas, ni d’arriba, ni d’abaxo. A chen (muitas begatas pero no pas todas, profés) lo que fa ye prener un partíu politico y, ala, abán, tot lo que diz ixe partíu ba ta misa y tot lo que diz l’atro ye asabelo de mal.
Por exemplo, y ta prener-ne un que siga rezién, lo gubierno d’España fazió fa bel tiampo una lai por a cuala se bedaba fumar en bels puestos. Ista lai, dende o punto de bista d’a salú, amillora de raso a situazión española n’iste campo. Manimenos, como lo a dito un d’os partíus (n’iste caso en estió un, pero si ese estau l’atro partíu, estoi que a istoria ese estau de raso a mesma) pos ala, toz os “seguidors” de l’atro partíu en contra. D’ista traza, si lo tuyo partíu ye de dreitas, automaticamen tu yes monarquico, conserbador, fundo catolico y, prou que sí, lo pior enemigo d’as ideyas de l’atro partíu. Manimenos, si lo tuyo partíu ye de cuchas (en reyalidá, estoi que os partíus d’agora tampoco no son ni de cuchas ni de dreitas, si no que representan esferens menas de chen, mesmo de zonas de España, si m’apuras; l’unico que en tienen de cuchas e de dreitas ye lo nombre),pos as d’estar republicanico, ateo (si no pas anticlerical) y, prou que sí, progresista (parola con a que muita chen s’imple a boca y que ya ha trafegato tot lo suyo sinnficau). En fin, que t’an ba Bizén?, pos t’an que ba la chen.
En beyer cosas d’istas, un se pregunta si no estase millor aber atra begata zensura. Al menos, asinas, a graniza intelichenzía d’ista chen continarba n’a guambra y dengún no poderba beyer-la, cosa que, seguntes de qué ilustrismo siñor semos charrando, no ye custión baladí.