Y plegó ro gran diya. Yera un diya istorico en una ziudá, la nuestra, con una ampla istoria. A mesma que en quereban fer os chugadors d’o nuestro quiesto equipo de fútbol. L’atro costato d’o estadeo yeran os angleses, chen, perén, zereña.

   Teneba-mos un equipo granizo pero lo encarato feba medrana. Debán os inchas más furos que binioron de Londres. L’ambien yera calien. En aqueras añadas se gosaba faltar a ros chugadors encaratos que cayeban dolens a ro campo d’o chuego, chilando-lis: písa-lo, písa-lo.

   De sopetón, en un inte d’o chuego, os angleses sintioron ixas parolas con una d’as suyas estrelas e entendioron en a suya luenga: peace and love, peace and love. Dende ixe inte, as dos inchatas s’achuntaron una a l’atra e se combidaron ta chugar ro partito de tornata.

   Pero ixa istoria yera escrita. L’istoria d’o ecsito, d’estar campiones d’Europa. Antismás con un golazo de bandiera.

   Aragon tornaba a estar en primeras pachinas, anque solo estiese un diya

Ababolia-2014

noviembre 22, 2008

Que pinchos semos os aragoneses, en primeras una Expo y agora Ababolia-2014. Antimás la bosaremos de as nuestras pochas, como l’atra, alto u baxo. A primera la remataremos de bosar en o 2030, a segunda ¡auuuuuuhh!  – diziba o lupo- , no se sape.

O millor de tot isto, ye que Ababolia-2014 será nuestra e bi meteremos lo que mos pete. A yo me ferba goyo que bi’n ese siñals d’Aragón por toz os puestos, como en Expo2008. bueno beluna más.Tamién me ferba goyo un chardín granizo con flors royas y amarillencas y en o zentro un escuto d’Aragón feito de flors. A lo millor ye muito demandar, güen, a la fin la bosamos nusatros pos tamién quiero los nombres d’as flors en aragonés y que as azafatas y os azafatos fablen en aragonés. A yo tamién me podez plantar-ie, perque soi un ababol bien granizo por prexinar tot isto.

Trobada de Fabloggers 2008

octubre 29, 2008

Dende “As tierras olbidatas”:


Biemplegaus a la “II Trobada de Fabloggers“. Dezaga queda toda una añada de notizias, post, nuebos blocs, libros, publicazions, y una ripa de cosetas ta fer onra a l’Aragonés….

Biemplegada tu “Trobada 2008”, ista semana se presenta a II Trobada de Fabloggers, con un camatón de nuebas proposas. Se ba a parar un concurso de microfalordias con premios en metalico t’os ganadors, una buena charrada y una borineta ta zilebrar que continamos entadebán. En a pachina web podez trobar o programa y estoi que ao luengo d’a semana se’n ira metiendo toda a informazion d’os premios y as bases d’o concurso (que abrirá o plazo o diya 1 de nobiembre). No tos la perdaz y anemo ta concursar!!!!!!

EspoHola amigos! tos meto iste post, pues esnabesando lo rete he dentrau en a pachina d’a EXPO 2008, asti me trobo unos links chicorrones n’os que meten Español-Français-English-Otros idiomas , tos prexinaz do truqué, pues si, truqué en Otros idiomas y asti me trobo con 4 PDF’s , Catalá, Euskera, Valenciá y Galego. Dimpués de puyarme por as figueretas, he reflesionau y me’n dito… “Di-les-ne, di-les lo que fan mal” por ixo els he nimbiau un correyo dende a pachina suya, pero isto … no ye prou ta yo, por ixo tos animo a que busatros tamien nimbiez o mesmo mail dende o mesmo puesto con o mesmo testo.

 

Hola navegando por vuestra página, he visto en la parte superior la posibilidad de visualizarla en inglés y francés, cosa que me parece genial. También he visto Otros idiomas y por casualidad me he metido. Alli observo que se pude descargar un folleto en PDF en Catalán , Euskera, Valenciano y Gallego. Aqui esta el problema. Se os ha olvidado uno, que lo hablan alrededor de 20.000 aragoneses que con sus impuestos pagan esta expo. Por favor os rogaría que solucionaseis esto. Si es un problema de traducción gustosamente me ofrezco a hacerlo de forma gratuita, pero no abandoneis así a toda la gente que como yo, orgullosa de esta expo , se desilusiona una vez mas al ver como se da la espalda a nuestra tierra.

 

PD: An mete que “Tipo de consulta” yo lo he nimbiau ta barias pero creigo que as millors serban “Webmaster” y “General

Aspero que anque siga mos leigan! A plantar firmes!

Ixuquera eleutoral

mayo 28, 2007

Jauta mos dixa ra boca, a zaguera chornada d’eleuzions y digo jauta per que güe en cheneral no bi ha sabor. Beluns abran amargura n’as suyas bocas, atros una zierta paz, pero dengun no puede estar argüelloso d’o suyo treballo. Cuasi a metá d’os aragoneses no han botato, e ixo diz mas de lo que paixe. A chen cada begada confia menos en os suyos politicos e istos amagan os resultaus, a zifras y porcentaches, que no en tienen cosa que beyer con a reyalidá. Pero antiparti, bi ha un feito que me’n fa, y ye a baxada d’a representazion aragonesa n’as cortes. Creigo que cal que ista instituzión siga plena de partíus aragoneses ta que a nuestra ripresentazión n’o dibuxo español no siga feble.

Ista ye a mía güellada de iste que ye o nuestro país